करुणालय बालगृह

सन 2014 साली विदर्भ मराठवाडयात प्रचंड दुष्काळ परिस्थीती होती . लोकांना पिण्यासाठी पाणी सुध्दा मिळणे कठीण होते. संदिप बनकर यांचे या गोष्टीकडे लक्ष जाणार नाही असे कसे होईल या दुष्काळ ग्रस्त लोकांसाठी आपण काय करु शकतो या विचाराने संदिप बनकर यांची झोप उडाली मग ठरले या दुष्काळी भागात आपण जायचे आणि तेथील परिस्थीती जाणुन घेऊन तेथील लोकांना मदतीचा हात द्यायचा . तेथील परिस्थिती पाहण्यासाठी एक चार लोकांची कमीटी तयार केली व जालना जिल्हयातील घनसावंगी तालुक्यातील मित्र समाजसेवक व धडाडीचे व्यक्तीमत्व श्री. दादासाहेृब श्रीकिसन थेटे यांच्याशी संपर्क साधुन तेथील खरी परिस्थीती काय आहे हे जाणुन घेतली . मग “दुष्काळ ग्रस्तांसाठी मदतीचा हात“ हा उपक्रम हाती घेण्यात आला .या उपक्रमांतर्गत तेथील आत्महत्या केलेल्या शेतक-यांच्या 25 कुटुंबांना मदत करण्यात आली. या कुटुंबांना धान्य व इतर जीवनावश्यक वस्तुचे वाटप करण्यात आले त्यांच्या 25 मुलांना आठवी (8वी) ते बारावी (12 वी ) पर्यतच्या शिक्षणाची जबाबदारी उचलण्यात आली. तेथील चार महिलांना उपजिवेकेसाठी शिलाई मशिन वाटप करण्यात आले. अशा पदधतीने पश्चिम महाराष्ट्र व मराठवाडयाचे एक वेगळे ऋणाणुबंध तयार झाले.